Liewe Leser,

In hierdie boek sal jy sien wat die eintlike doel van jou lewe op aarde is, hoekom jy hier is. Jy sal sien dat jy hier is om unieke take te verrig wat net jy kan doen, take wat vir jou 'n voorspoedige lewe en vrede sal gee. Hierdie boek handel oor die spirituele kragte waaroor jy beskik, wat vir jou in staat stel om hierdie take te vind en af te handel. Ongelukkig is dit so dat ons hierdie kragte in ons onderdruk en dit nie gebruik in ons alledaagse lewe nie.

Die spirituele ontwaking

Wereldwyd stel mense vandag weer belang om te weet wat hierdie spirituele kragte nou eintlik is en hoekom hulle dit verloor het. Hulle wil dit weer vind omdat hulle voel dat ons daarsonder ons hedendaagse chaotiese leefwyse geskep het wat vol frustrasie, spanning, stres en depressiegevoelens is, en geen sin en betekenis het nie. Daar word op verskillende wyses na hierdie spirituele kragte gesoek.
Baie soek dit ouder gewoonte in die godsdiens, sommige in die tradisionele godsdienste, ander in die nuwe godsdienste wat nou oral begin kop uitsteek. Party soek dit in die Oosterse godsdienste. Ander soek dit op allerlei ander maniere, en betree selfs die bonatuurlike terrein van die spiritisme. Al die wetenskappe, selfs die natuurwetenskappe, doen nou ook intense navorsing hieroor om uit te vind wat die spirituele kragte van die mens eintlik behels. Ook vir die man op straat het hierdie soeke so belangrik geword dat boeke wat oor die spirituele kragte van die mens handel, nou beste verkopers geword het.
Hierdie skielike belangstelling neem so vinnig toe dat dit 'n "spirituele ontwaking" genoem kan word. Jy gaan in die toekoms nog baie hoermee in aanraking kom en met verskeie teoriee en opinies gekonfonteer word wat hieruit sal voortvloei, soos byvoorbeeld die idees van die "New age" -beweging. Elkeen dink dat hy die antwoord het oor wat ons spirituele kragte eintlik is.
Ek wil in hierdie boek vir jou 'n perspektief op hierdie ontwaking gee, sodat jy nie deur al die nuwe denkrigtings verwar sal word nie, maar dat jy eerder die belangrikste nuwe insigte jou eie sal maak sodat jy ook jou spirituele kragte sal ontdek.
Dit is veral vir die gelowige mens 'n uitdaging om al die nuwe ontdekkings en insigte wat nou oral opduik in sy godsdienstige raamwerk in te pas. Ek gaan in hierdie boek vir jou op insigte vanuit die sielkunde wys, wat duidelike riglyne oor die onderwerp aangee, wat vir my as gelowige aanvaarbaar is, en daarom glo ek dat dit ook vir jou aanvaarbaar sal wees.

Die samestelling van die boek

Om te sien hoe die boek saamgestel is, nooi ek jou uit om eers deur die boek te blaai, wat'n goeie manier is om jou vooraf te orienteer oor die inhoud van enige nuwe boek wat jy wil lees. Dit is altyd raadsaam om nie sommer op bladsy een te begin lees nie, maar om eers'n globale oorsig te kry waaroor dit gaan. Begin by die inhoudsopgawe wat vir jou sal vertel watter onderwerpe behandel word. Blaai dan deur die boek om 'n oorsigtelike indruk daarvan te kry en kyk wat ek as skrywer met die boek beoog.
Jy sal onmiddellik agterkom dat die boek sielkundige beskouinge bevat oor wat die mens se spirituele kragte behels en hoe hy dit moet gebruik om die betekenis van sy lewe op aarde te verwesenlik, ten einde gelukkiger te wees. Jy sal sien dat dit in 'n eenvoudige, verstaanbare taal geskryf is en dat jy baie dinge prakties in jou alledaagse lewe van toepassing kan maak.
Soos jy sal opmerk, is die boek in dertig dele ingedeel. Die rede hiervoor is dat jy vir 'n maand lank elke dag een deel kan deurlees en bestudeer, omdat die boek in sy geheel 'n kursus vorm vir mense wat oor min tyd beskik of deur omstandighede verhinder word om voltyds vir studie oor 'n onderwerp soos hierdie in te skryf. Jy sal dit meer as een keer kan gebruik, omdat dit riglyne vir jou lewe bied wat jy by herhaling sal wil lees. Onthou, herhaling is die moeder van alle wysheid.
In die eerste afdeling van die boek gaan ek jou leer wat jou spirutuele kragte is en hoe dit jou in staat stel om die bedoeling van jou lewe te vind en dit te vervul. In die tweede en derde afdeling sal jy leer hoe jou spirituele kragte jou in staat stel om doeltreffende verhoudings met ander mense en met God, asook met die materiele dinge te handhaaf.

Viktor Frankl se logo-terapie

Die eksistensieel-sielkundige beskouinge van Viktor E. Frankl, oor wat die betekenis van die menslike bestaan op aarde is en hoe die mens sy unieke betekenis kan vervul, sal deurgaans as model in hierdie boek gebruik word. Hy het baanbrekerswerk op hierdie terrein verrig om vir ons 'n antwoord te gee op hierdie eeue oue vraag. Ek gaan vir jou leer wat sy terapeutiese metode, naamlik "logo-terapie" behels, wat daarop ingestel is om die mens te help om die funksie te vervul. Ek gaanjou ook leer wat sy tegniek van "paradoksale intensie" behels en jy sal met verskillende paradokse in aanraking kom. So sal jy met die paradoks gekonfronteer word dat indien jy bo alles die bedoeling van jou lewe vervul, jy ook al die materiele dinge sal kry wat jy benodig. Hierdie paradoks vleg soos 'n goue draad deur die boek.

Jou en my uitdaging

Dit is ons almal se uitdaging, ook joune, om in die "spirituele ontwaking" wat tans plaasvind, antwoorde te kry oor wat die mens se spirituele kragte presies behels. Ek het self die uitdaging aanvaar om my opinie in hierdie kursus daaroor te gee.
Hierdie kursus is die resultaat van 'n versoek van vele van my kliente en oudstudente om 'n samevattende kursus in boekvorm daar te stel wat vir hulle kan help om 'n meer effektiewe, suksesvolle lewe te lei. Ek het vir baie jare 'n studie gemaak om te weet wat 'n sukvolle lewe nou eintlik behels, en hoe die mens gemotiveer kan word om dit te verkry. My bevinding was dat so 'n lewe alleenlik daaruit bestaan om die bedoeling van jou lewe te vervul en dat dit jou spirituele kragte is wat jou daartoe in staat stel.
Indienn die leser van my boek my bevindinge kan bevestig, of selfs net sy denke daarmee kan verryk deur dit te bevraagteken of verder daarop uit te brei, sal dit 'n volgende stap wees in die ontwikkeling van kennis in die soektog na wat die mens se spirituele kragte eintlik is.

Die kursus sal jou lewe verander

Ek wil graag hierdie kursus ook tot jou beskikking stel en vir jou die versekering gee dat dit nie alleen gebaseer is op my teoretiese navorsingsresultate nie, maar ook op die praktiese ervaringe in my eie lewe. Met die studie van hierdie onderwerp asook met die skryf en die uitlewing daarvan, het my eie lewe drasties verander omdat ek nou die wonderlike ervaring beleef dat ek my spirituele kragte kan bemeester soos nog nooit tevore nie. Dit stel my in staat om spesifieke take te verrig waardeur ek voel dat my lewe 'n besonderse betekenis het. Ek ervaar dit nou ook weer, soos ek dit as kind belewe het, dat die lewe self in al die aspekte daarvan vir my iets besonders beteken en dat dit lekker is om te lewe. Ek kan ook nou 'n bydrae lewer om ander se lewens betekenisvol te maak soos nog nooit tevore nie.
Uit my lewenslange ondervindinge, eers as teoloog en daarna as dosent in die eksistensiele sielkunde en later as voltydse praktiserende sielkundige en opleidingskonsultant, van die probleme wat die mens van ons tyd ervaar, het ek die dagstukke saamgestel. My doel is om op 'n populer-wetenskaplike wyse vir jou hierin te onderrig, sodat jy dit kan verstaan sonder dat ek iemand probeer beindruk met akadeniese diepsinnighede.

Praktiese toepassings

Aan die einde van elke deel kan jy die inhoud op jou eie lewe toepas. Daar is 'n praktiese toepassing vir daardie spesifieke dag. As jy daarin slaag om hierdie toepassings te maak, sal jy vinnig vorder om jou insig oor hierdie onderwerp te verbreed en jou lewe te verryk.
Daar is ook 'n bevestiging aan die einde van elke dagstuk. Die bedoeling daarvan is dat jy elke dag 'n spesifieke aspek oor en oor vir jouself sal bevestig as 'n waarheid waarin jy glo. Die herhaling van 'n waarheid in jou gedagtes het die effek dat jy dit na 'n tyd in jou gedagtes vestig en dat jy dan daarop begin reageer en nie meer op ongewenste gedagtes, wat jou lewe verwoes nie.
Ek wil 'n uitdaging aan jou stel om elke dag een dagstuk aandagtig deur te lees. Ek stel hierdie uitdaging aan jou omdat navorsing bewys het dat net ongeveer tien persent van mense wat 'n boek koop, daarin slaag om dit deur te lees! Jou uitdaging is om hierdie boek een honderd persent deur te lees, dag vir dag. Dink net hoe goed gaan jy daaroor voel!
Hiermee kan jy ontwikkel om 'n ware effektiewe lewe te lei, soos ek en soveel ander van my kliente dit tans regkry.